Y Clwb Dros 50 

• English

Mae’r Clwb Dros 50 yn cyfarfod yng Nghanolfan Iorwerth Rowlands a chynhelir amrywiaeth o weithgareddau a chyfarfodydd.  Sefydlwyd y clwb gan Adran Gwasanaethau Cymdeithasol Cyngor Sir Ynys Môn ar y cyd ag Age Concern Cymru er mwyn datblygu Strategaeth Pobl Hŷn Llywodraeth Cynulliad Cymru. Nod y clwb yw hyrwyddo delwedd fwy positif o heneiddio a chreu cyfleoedd cymunedol ar gyfer pobl sydd dros 50 oed.  Mae’r aelodaeth wedi tyfu’n gyflym yn ystod y misoedd diwethaf ac ar hyn o bryd mae 150 o aelodau.  Mae’r clwb ar gyfer pobl sydd yn byw, nid yn unig ym Miwmares ei hun ond yn holl ardal de ddwyrain yr ynys.  Dewch draw i’r clwb - beth am ddysgu sgil newydd, ymuno â grŵp ymarfer neu gwrdd â ffrindiau newydd? £3.00 y flwyddyn yw’r tâl aelodaeth.

Mae’r gweithgareddau wythnosol yn cynnwys:

• Boreau coffi, trafodaethau a the prynhawn
• Cyrsiau dysgu gydol oes, megis TG, garddio ac ieithoedd modern
• Dosbarthiadau ymarfer Tai Chi
• Sgyrsiau a chyflwyniadau am eitemau o ddiddordeb lleol a chyffredinol
• Teithiau
• Celf a Chrefft
• Ymweliadau â chanolfannau garddio lleol
• Ymwybyddiaeth o ddiogelwch yn y gymuned
• Gweithdai Bwyta’n Iach
• Rhan o, ac yn gysylltiedig â, Age Concern Cymru
• Teithiau Siopa – cludiant i wahanol siopau i wneud eich siopa wythnos bob prynhawn dydd Gwener – pris £1.00 y daith.  
      

Mae’r adnoddau a’r gefnogaeth ar gael i bawb o’r ardaloedd cyfagos: Biwmares, Llanfaes, Llangoed, Pentraeth, Penmon, Llanddona, Llansadwrn, Llandegfan a Phorthaethwy. Cofiwch wneud digon o ddefnydd o’r adnoddau hyn. Rhowch wybod i ni am unrhyw weithgareddau yr hoffech iddynt gael eu cynnwys.

Cliciwch yma i gael gwybod sut i gysylltu â ni .

Gweler y rhaglen cyrsiau am fanylion am y cyrsiau sydd ar gael i bobl sydd dros 50 oed.